A Atari, a Entertainment 360 e mais a Universal Pictures asinaron un acordo que lle outorga á Universal os dereitos para desenvolver dez videoxogos clásicos da Atari para estrea-los nas salas de cinema. Os dez títulos baixo o acordo son: Asteroids, Adventure, Berzerk, Breakout, Centipede, Crystal Castles, Millipede, Missile Command, Pong e Yars’ Revenge. O obxectivo é crear filmes de acción e aventuras a grande escala a partir deles. O primeiro proxecto será unha película producida por Guymon Casady a partir dun guión do veterano executivo do estudio Matt Reilly e do guionista de Jungle Cruise, Carl Hampe, que tamén produce, pero aínda non está claro en cal dos dez xogos se baseará.
